Brazilian Butt Lift
Zbuloni magjinë e linjave tuaja dhe vetëbesimin me ndërhyrjen tonë Brazilian Butt Lift (BBL). Skalitni siluetën tuaj në perfeksion, duke përqafuar bukurinë e vitheve të ngritura e të konturuara, ku çdo hap bëhet më joshës e sensual.
Çfarë është BBL?
Njerëzit, të cilët kanë një pamje të sheshtë, të rënë ose aspak tërheqëse të vitheve, mund të dëshirojnë shtimin e volumit në zonën e fundshpinës. Zmadhimi i vitheve është një ndërhyrje mjaft e kërkuar nga pacientët të cilët dëshirojnë të kenë të pasme më të plota dhe më të rrumbullakëta. Për shtimin e volumit në vithe ne aplikojmë teknikën e zmadhimit të vitheve me anë të injektimit të dhjamit.
Kirurgët e Klinikës Amo Clinic sugjerojnë teknikën Gluteofilling, pra zmadhimin e vitheve nëpërmjet injektimit të dhjamit të vet pacientit në zonën e sipërme të vitheve për të arritur pamjen e të pasmeve braziliane. Gjatë konsultës me mjekun, ju do të përcaktoni zonat nga të cilat dëshironi të hiqni dhjamin e tepërt për ta transferuar atë në zonën e vitheve me qëllim shtimin e volumit në këtë zonë. Kjo procedurë zgjat zakonisht njëqind e njëzetë minuta dhe sugjerohet një natë qëndrimi në spital nën monitorimin e stafit mjekësor. Operacioni kryhet në anestezi totale, nën kujdesin dhe asistencën e anestezistit në sallë. Zmadhimi i vitheve me dhjam mund të kryhet i kombinuar me ndërhyrje të tjera estetike siç janë heqja e lëkurës së tepërt të barkut (abdominoplastika) apo ngritja e gjoksit. Rezultatet e operacionit të zmadhimit të vitheve do ju dhurojnë një siluetë trupore të shkëlqyer pasi është një ndër operacionet më të preferuara të kohëve moderne.
Paraprakisht
- Ditën që kryeni konsultën me kirurgun duhet të informoni atë nëse jeni alergjik ndaj ndonjë medikamenti si dhe ti referoni atij nëse jeni duke marrë ndonjë medikament për arsye shëndetësore të cilat mund të influencojnë kryerjen e ndërhyrjes kirurgjikale;
- Disa ditë përpara operacionit do të kryeni një sërë ekzaminimesh pre-operatore të cilat informojnë stafin mjekësor mbi gjendjen tuaj shëndetësore përpara kryerjes së operacionit;
- Të paktën dy javë përpara operacionit duhet të ndërprisni marrjen e barnave me përmbajtje Acid Acetilsalicilik (si për shembull Aspirina, Vivin C, Kardiospirina etj.) si dhe marrjen e antikoagulantëve oralë. Ndërprerja e ndonjë terapie për arsye të operacionit duhet konsultuar paraprakisht me mjekun tuaj që ju ka përshkruar terapinë;
- Duhani duhet të ndërpritet të paktën dy javë përpara ndërhyrjes;
- Pacienti duhet të ketë bërë dush, të heqë produktet xhel apo manikyr të thonjve ditën para operacionit si dhe të mos konsumojë ushqime apo lëngje të paktën tetë orë përpara ndërhyrjes;
- Rekomandojmë që pacientët ditën e operacionit të paraqiten me veshje komode me kopsa ose me zinxhir.
Pas operacionit
Menjëherë pas operacionit të rimodelimit të vitheve do të jetë e nevojshme të vishni një korse shtrënguese e cila ka për qëllim të mbajë “të mbledhur” zonën ku është bërë heqja e dhjamit dhe të ndihmojë në një shërim të shpejtë të enjtjeve të pas ndërhyrjes. Kjo korse do ju vihet në dispozicion nga stafi i Klinikës Amo Clinic. Një pjesë e dhjamit të transferuar, përafërsisht 50% e tij, pritet të absorbohet nga trupi i vet pacientit që pas një muaji nga operacioni.
Duhet të prisni të paktën tre muaj për të vendosur nëse është e nevojshme një seancë e dytë apo nëse jeni të kënaqur me volumin e shtuar në zonën e të pasmeve. Gjatë javëve të para sugjerohet që qëndrimi ulur të jetë sa më i pakët për të shmangur dhimbjet në zonën e vitheve. Pas dy muajsh nga operacioni do të ndiheni shumë herë më mirë dhe do të dëshironi të blini bikini dhe rroba të reja, të cilat tregojnë format e përmirësuara të vitheve tuaja për të cilat keni pritur kaq kohë për t’i patur.
